Nau mai haere mai ki Te Tai o Awatea
E ngā Hau-e-Whā, e ngā tini mataawaka o te motu, nau mai, tomo mai ki tēnei pae tukutuku e meinga nei, ko “Te Tai-o-Awatea”.
He kaupapa tēnei e tūhono ai ngā tāngata whenua me te hapori Māori o Te Tai-o-Aorere kia whakarauora ai ngā taonga tuku iho a ō tātou mātua tīpuna. Kei te whakahaerengia ētahi akoranga hei painga mō te hunga e hiakai ana i te reo taketake o Aotearoa me ōna tikanga.
Nō reira, nau mai, piki mai, kake mai.
Tō Mātou Ao:
He tarahiti ohaoha a Te Tai-o-Awatea e tū ana ki te takiwā o Te Tai-o-Aorere. Ko tō mātou moemoeā kia whakapiki ake te ‘mauri-ora’ o ngā whānau i roto i ēnei taonga tuku iho, ā, kia puritia ngā mātauranga o tua-whakarere a ngā rā e haere mai nei hei oranga mō ngā uri whakaheke o Aotearoa.
I ahu mai taua ingoa o ‘Te Tai-o-Awatea’, mai i taua wā rā o te ata, ka ara ake a Tama-nui-te-rā, ka toro atu ōna ringaringa-hihi ki ngā tai o te moana, he hononga-a-wairua ki ō-tātou tini mātua tūpuna.
E toru ngā whetū e arahi nei mātou:
- Ko te reo Māori
- Tūhononga (ki te taiao, ki te tangata me ngā taonga tuku iho)
- Whakarauora
Ko Ngā Akoranga
Ko tā Te Tai-o-Awatea kaupapa kia tiakina ngā puna reo hei painga mō te hapori Māori kia tūhonohono ai anō ki ngā taonga tuku iho.
Ko ā-tātou akoranga, ko te ‘Waka kōrero, ko te Mau Rākau, ko te Whakatere waka-taurua me te Whānau Reo.’ Ā tōna wā, ka tatū ētahi atu akoranga!
He mea tuitui ngā whānau ēnei akoranga hei whakapiki ake i te mauri me te mea anō kia mōhio ai ki tā rātou tino rangatiratanga hei oranga a ngā rā e haere mai nei.
Ko Ngā Huihuinga
Ko tā Te Tai-o-Awatea kaupapa hei tautoko ake i ngā huihuinga me ngā mātauranga e ora ai ngā taonga tuku iho. Ko tā ēnei akoranga katoa hei whakapiki ake i te hauora mō te tangata whenua, ā, kia hōhonu ake te whakaaro ki te Māoritanga.
Papa Waahi
Ko tētahi o ngā whāinga matua hei whakaatu i ngā pakihi Māori, i ngā ringatoi, i ngā kai rongoā e kawe nei i ngā kaupapa Māori, arā, e pupuri i ngā taonga tuku iho. Heoi, kei te waihanga tonu i tēnei waahi. Hei a tōna wā, ka kitea-a-kanohi!
Ko te Mātauranga Māori
Ko tā Te Tai-o-Awatea hei whakaako i te mātauranga Māori ki ngā tāngata, ki ngā ratonga me ngā pakihi e hiahia ana ki te ako i te reo Māori me ōna tikanga, arā, ki ngā taonga tuku iho.
