Tō Mātou Ao
Kupu whakataki
I whakarewa ake tēnei kaupapa i te tau 2021 hei waka kawe i ngā manako o te iwi kia ora tonu ai tō tātou reo me te ahurea Māori ki runga i te moana me te whenua o te rohe nei. E rongo ana mātou ki te hiahia o te iwi kia ako ai anō ki ngā āhuatanga o ngā taonga tuku iho i runga anō i te tikanga Māori, ki roto i te taiao.
Ko tō mātou whāinga matua kia hono atu ai anō te hapori Māori o Te Tai-o-Aorere ki ngā taonga tuku iho o ngā mātua tīpuna.
E ārahina ana tō tātou waka e ngā whetū e toru:
1
Ko te reo Māori
2
Ko te tūhonotanga
to te taiao, each other and taonga tuku iho
3
Ko te whakarauora
Ngā Kaihoe-o-runga:
He rōpū mātou e ngākaunui ana ki te ao Māori. Ko tō mātou mahi hei ārahi, hei tautoko i tō mātou hapori/iwi/whānau kia hono atu ai anō ki ngā taonga tuku iho, koia ko tō tātou reo, ko ngā mahi o te whare pora, ko ngā mahi o te whare o Tū, ko ngā mahi whakatere waka, otirā ko te whakatipu i `tō tātou Pā Harakeke.
Ko tō tātou rautaki he manaaki i te tangata i runga i ngā āhuatanga Māori, kia ako ngā tahi ai te reo, te tikanga, me te mahi ā-ringa e hāngai ana ki ngā taonga tuku iho.
Ō mātou Whanonga Pono:
- Whakawhirinaki
- Aroha, tētahi-ki-tētahi
- Kia ngawari te tikanga, kia pai te ngākau
- Kia pono ki te kaupapa
- Mā te katoa e whakahaere
- Kia hohou nei i te rongo
He aha tā mātou i rerekē ai?
Ko te whai i te reo Māori, he kaha nei hoki ki te mirimiri i ngā taura-here-tangata me te hono ki te taiao hei haumi i te waka. Koia pū te take kia whakaorangia ai ngā taonga tuku iho.
Te Poari o Te Tai-o-Awatea
Lee-Anne Jago
Ngāti Raukawa, Ngāti Māhuta, Ngāti Pukeko
E tino ngākaunui ana a Lee-Anne ki ngā mahi ki runga i te moana me te taiao. Nā rāua ko tōna hoa mārena a Todd te pakihi o ‘Waka Abel Tasman’ i waihanga, ā, he kaha nōna ki te manaaki manuhiri me te arahi i a rātou. He mea kawe hoki i a Lee-Anne, ko ngā pūkenga o te mahi pakihi hei painga mō te katoa.
Ko ōna huānga mai i te rauemi o Tetramap, ko te Ahi me te Wai.
Keri Tākao
Tūhoe, Te Ātiawa, Ngāti Rārua, Ngāti Tama ki te Tau Ihu
He tangata ngāwari a Keri hei painga mō Te Tai-o-Awatea, ā, he pou tīkanga Māori. Kua roa nei e whakaako ana i te reo Māori me tōna kaha tautoko ki ngā whānau kia tū pakari i ngā taonga tuku iho. He tangata-āta-whai whakaaro a Keri.
Ko ōna huānga mai i te rauemi o Tetramap, ko te Ahi, te Wai me te Hau.
Hineora Mcleod Bennett (Wairua Taiao te rangatira mō āpōpō)
Ngāti Rārua, Te Ātiawa
Ko Hineora e kawe nei i te ngākau-rangatahi i waenga i te Poari. Nō Hineora te pakihi ‘The Village’, ā, he kai-rakahinonga e kaha nei ki te panoni i ngā mea i te ao Tāpui-Māori. Ko ōna pakihi katoa e ū nei ki ngā tīkanga-hanga-rua hei painga mō te hāpori
Ko ōna huānga mai i te rauemi o Tetramap: ko te Hau me te Wai
Rua Sargent
NgāPuhi
He kaitohu a Rua i ngā tini kaupapa hei painga i te Poari Kura, i ngā mahi kāwanatanga, i ngā mahi pūtea me ngā tikanga ture e whakahaerengia ana e Te Tai-o-Awatea. He tangata kaha a Rua ki te kawe i te reo Māori me ōna tīkanga ahakoa haere ki hea.
Renee Kahukura-Iosefa
Ngāti Kahangungu, Ngāti Rārua, Te Ātiawa ki te Tau Ihu
He matatau a Renee i te reo Māori, ā, he nui ōna pūkenga i te ao pāpāho hei painga mō Te Tai-o-Awatea. He wahine-āta-whai-whakaaro a Renee, ā, he kaha nōna ki te panoni i ngā tini kaupapa e whakahaerengia ana e ia hei oranga anō, ā, ko te mātauranga tētahi a ōna aronga-nui.
Ko ōna huānga mai i te rauemi o Tetramap: ko te Wai me te Hau.
Todd Jago
Ngāti Raukawa
Kua roa nei e mahia ana e Todd i roto i ngā mahi tū-ā-nuku. Nāna hoki te tini tangata i whakaako kia haumaru te haere i te taiao, arā, i te putanga ake hoki ki runga o Tangaroa me ēra tini mea katoa. Nā Todd rāua ko Lee-Anne te pakihi o ‘Waka Abel Tasman’ i waihanga, ā, koia te tangata whakahaere i ngā tīkanga haumaru me te arahi i te taha whakaritenga. Kei te noho a Todd ki tētahi o ngā tūranga o ‘Te Hau Kōmaru’, ko te Poari-ā-Motu mō ngā Wakahourua.
Ko ōna huānga mai i te rauemi o Tetramap: ko te Hau me te Whenua.