Te Ture-Noho-Matatapu o Te Tai o Awatea
He mea haumaru tēnei ture-noho-matatapu o Te Tai o Awatea hei tiaki i āu-kōrero.
He manawa-rahi nō Te Tai o Awatea kia ū ki tēnei ture-noho-matatapu.
Kua whiriwhira e Te Tai o Awatea kia tatū te kaiwhakahaere hei kaitiaki o ngā kōrero-noho-matatapu.
Kia tirohia ki ngā ture-noho-matatapu mō te roanga ake.
Ko te aha tēnei mea, te kōrero-noho-matatapu?
Koia tēna, ko ngā kōrero-noho-matatapu e mōhio ai te tangata, ko wai koe, nō hea koe me ēra mea katoa.
Me pehea e kohikohi i aua kōrero?
Ka kohikohia e mātou ngā kōrero mā te rehitatanga mō ngā hōtaka, ngā imeera, ngā nama waea rānei mehemea ka hōmai e koe. Ka kohia e mātou aua kōrero hoki mai i ngā tāngata e tono ki te rapu mahi.
Ko ēhea o ngā kōrero-noho-matatapu ka kohia e mātou?
Ka kohia e mātou ēnei tūmomo kōrero-noho-matatapu e pā ana ki a koe:
- Ingoa
- Waahi Kāinga
- Waahi Imeera
- Waahi
- Ngā Nama Waea
- Nama Waea Ohorere
- Ōu tau, tō rā whānau rānei
- Ngā Take Hauora
- Ko ngā kōrero e pā ana ki āu whāinga hei tautoko hoki i ngā hōtaka.
- Ko ngā kōrero-tohutoro i hōmai e ngā ratonga
- Ko ngā kōrero mō tā mātou mahi-kimi-kaimahi
He aha tā mātou e kohi ai ngā kōrero-noho-matatapu?
- Ko te tino pūtake mō te kohi i ngā kōrero e pā ana ki a koe kia taea ai e mātou:
- te whakamārama atu i ngā kōrero mō ngā hōtaka ki a koe.
- te tautoko ki āu hiahia
- te awhina i ngā take hauora me ngā take haumaru
- te whakamārama atu i ngā pānui mō ngā kaupapa me ngā karere o te wā
- te waea atu ki a koe, te tuku imeera, meera rānei
- te whakamātautau mehemea e tika ana koe mō ngā tūranga mahi me ngā mahi tūao e whakahaerengia ana e mātou.
Me pehea mātou e pupuri i āu kōrero-noho-matatapu?
Horekau mātou e tuku āu kōrero-noho-matatapu ki tāwāahi.
Ka meinga atu e Te Tai-o-Awatea kia mahia āu kōrero-noho-matatapu ki tā te take i kohi ai.
Horekau mātou e hoko, e tohatoha, e rehi, e whakapuaki rānei āu kōrero-noho-matatapu. Engari anō, mehemea:
- kua whakaaetia e koe,
- ka hoatu āu kōrero-noho-matatapu ki te Kaiarahi e whakahaerengia ana tētahi hōtaka ki raro i ngā parirau o Te Tai-o-Awatea, ā, he mea awhina aua kōrero ki āu hiahia,
- ka raruraru koe, tētahi atu tangata rānei, ka whakapuakina āu kōrero-noho-matatapu hei painga ki a koe, ki te tangata anō hoki.
- ka kitea e mātou, kei te āwangawanga tētahi tamaiti, rangatahi rānei, ko reira tuku atu ai āu kōrero-noho-matatapu ki ngā ratonga hei painga mo taua tamaiti, rangatahi hoki. Ā, ka whai atu i a mātou te Ture-Tiaki-Tamariki.
Ko te Pupuri o āu Kōrero-Noho-Matatapu
Ka āhei mātou ki te tiaki i āu kōrero-noho-matatapu kia kaua e rawekehia e te tangata, ā, kia kaua e ngaro atu hoki.
Ka pēnei te mahi:
- kia tatū tētahi pā kaha hei tiaki i aua mea
- kia puritia ēnei kōrero ki roto i ngā waahi-kupu-muna.
Me pehea te tiki i aku kōrero-noho-matatapu?
Ka taea e koe te tono atu ki te Kaiwhakahaere kia tirohia āu kōrero-noho-matatapu, ahakoa pehea te wā.
Mā mātou koe e āwhina kia pai ai te tiki i āu kōrero-noho-matatapu ki te waahi e pupuritia ana i aua kōrero (arā, mā te imeera, mā te mēra rānei.)
Ko ētahi taima, e kore mātou e whakaae. Mehemea, ka raruraru tētahi atu tangata i te whakapuaki o aua kōrero. Ki te pēra, ka tukuna atu tētahi reta ki a koe hei whakamārama atu ki te pūtake.
Mehemea, e whakapono ana koe kua hē āu kōrero-noho-matatapu e puritia ana e mātou, kua tinihia rānei, ka taea e koe te tono kia whakatikatikangia. Ā, ka whiriwhiria e mātou, mehemea kia whakatikatikangia aua kōrero. Mehemea, horekau mātou e whakaae kia whakatikatikangia, ka tāpirihia tāu meatanga whakahē. Ko tā mātou e mea atu nei kia tika rāno āu kōrero-noho-matatapu mō naianei-tonu hei painga mō tā mātou tautoko ki a koe.
Me pehea e au e tuku amuamu ki te wāwāhinga o āku kōrero-noho-matatapu?
Mehemea, nō mātou te hē i wāwāhi ki āu kōrero-noho-matatapu, ā, ka tino raruraru, ka kōrero tika mātou ki a koe, ā, ka whakamōhio atu ki te Komihana Matatapu.
Ki te whakapono koe, nā mātou i wāwāhi ki āu kōrero-noho-matatapu, ā, mehemea he pātai āu, he amuamu rānei e pā ana ki te wāwāhinga, tēna, whakapā atu ki te Kaiwhakahaere nā runga imeera: [email protected]
Kia tae mai te amuamu, ka tukuna atu ki te Poari. Ko reira whiriwhiri ai, whakatewhatewha ai, nā te aha i pērā ai.
Mehemea, ka rapua te hē, mā te Tarahiti e whakatikatika. Mā mātou hoki e whakapā atu ki a koe me te whakamārama atu i ngā whakataunga, ā, ka horo mātou ki te whakatikatika.
Ka taea e koe te tuku amuamu ki te Tari o te Komihana Matatapu:
PO Box 10094, Wellington 6143.
0800 803 909 (Monday – Friday, 10.00 am – 3.00 pm).