“Tiakina te Pā Harakeke”
Kaupapa Here mō te Tiaki Tamariki
Nā te aha i whakarite ai mātou ki tēnei kaupapa here?
E mārama ana a Te Tai-o-Awatea, he kaitiaki mō ā-tātou tamariki me ngā rangatahi. He mea arahi, ko ngā kaupapa me ngā whetū hei oranga-tonu-tanga mō ngā whānau kia puawai ai. He taonga pūmau, ko ngā tamariki ake ake, ā, kei te kapo a tō rātou ake ringa e kaha ai tātou.
E mārama ana a Te Tai-o-Awatea, he mahi tino hē, ko te tūkino tamariki me te mea, ia rā, ia rā, ka puta ake taua mahi ki Aotearoa hei whakararu i te tupu o ā-tātou mokopuna, ā, pakeke noa.
Meanei te Aronga mō tēnei Kaupapa here:
Nā mātou tēnei kaupapa here i toko kia tika ai te whakahaere i ā-mātou hōtaka, ā, kia tonoa e Te Tai-o-Awatea te tangata pai hei arahi i aua hōtaka me te mea nei kia kaua e puta ai tētahi raru nui (kua meinga atu ki tā mātou kaupapa here mō te Kimi Kaimahi), ā, kia ako hoki i ā-mātou kaimahi kia mōhio ai ki tēnei mea, ko te wairua marū, ā, kia mōhio ai hoki me pehea te tauawhi – (kua meinga atu ki tā mātou kaupapa here mō te Tiaki Tamariki).
E mārama ana mātou ki tā mātou kaupapa here mehemea, ka puta tētahi āwangawanga e pā ana ki tētahi tamariki, rangatahi rānei, ka whāpuakina atu e te kaimahi ki te tangata i whiriwhiria ai e Te Tai-o-Awatea hei pou-arahi, ā, ka tatū te Kaiwhakahaere kia mahi tahi me taua kaimahi kia aro-pū ki ngā tohutohu ki roto i ngā mahi katoa kua tohungia ki roto i te kaupapa here. Ā, e mea ana kia pērā hoki te mahi, ahakoa i whākina tētahi āwangawanga e te tamariki, e tētahi atu tangata rānei, ā, kua kitea ngā mahi hē i tētahi o ngā kaimahi ki ngā tamariki, rangatahi rānei.
Kei te whakawhirinaki mātou kia ū ā-mātou kaimahi me ngā kaimahi tūao katoa ki ēnei kaupapa here me ngā tohutohu, mehemea, ka puta mai ētahi āwangawanga e pā ana ki ngā tamariki me ngā rangatahi, ā, mehemea horekau rātou e tino whakapono ki aua kaupapa here me ngā tohutohu, ka taea e rātou te whakapā atu ki a Oranga Tamariki kia tonoa atu he tautoko me te whakapuaki i tētahi Ripoata mō taua āwangawanga.
Ko te oranga o ngā tamariki me ngā rangatahi te tino pūtake hei whiriwhiringa mō ēnei take. E mea ana mātou kia kaua e mahi te tangata me tōna kōtahi, ā, kia ū tonu ki ngā tikanga kia kaua e whakapōhehe me ētahi atu o ngā pakeke me te mea nei, horekau mātou e whakaae ki ngā Whakaaetanga Whakataunga e meinga atu, e pai ana aua mahi kino ki te tamariki.
I ngā wā katoa, ka whakapuakina ēnei kōrero ki ngā ratonga hei haumaru mō te tamariki me te rangatahi haunga anō, ka nui atu ngā raruraru mō taua tamariki me te rangatahi.
Mō wai tēnei kaupapa here?
Ko te kaupapa here nei hei arahi mō ngā Hunga Tarahitī, ngā Kaimahi me ngā kai-kirimana katoa (Ko te whānau o Te Tai-o-Awatea).
Ko ngā Tamariki me ngā Rangatahi: Ka whakapā atu tēnei kaupapa here ki ngā tamariki katoa kei raro i te tau 14 me ngā rangatahi mai i ngā tau 14 ki te 18 tau e mahi tahi me ngā kaimahi o Te Tai-o-Awatea, kāhore rānei ki roto i ā-rātou mahi.
Ko ngā Pū Tautuhi mō tēnei Kaupapa here me ngā Tohutohu:
E ai ki te Ture mō te Oranga Tamariki 1989, ko te tūkino tamariki, ko te “tūkino (ā-tīnana, ā-hinengaro, taitōkai), patu tangata, whakaiti, iwi-kore, whakatautauhea rānei ki ngā tamariki me ngā rangatahi.”
E mea ana, ko te tamaiti kei raro i ngā tau 14.
E mea ana, ko te rangatahi, mai i ngā tau 14 ki te tau 18.
Ko te waowaotanga wawe, ko te mahi e mōhio ai i ngā tamariki me ngā rangatahi e raruraru ana, ā, ka rapua te huarahi hei whakapakari i te hauoratanga o aua tamariki me ngā rangatahi. Ko te waowaotanga wawe, he mahi-ā-hāpori.
Ko te Haumaru Tamariki, ko te mahi ka mahia whai muri i te whakapuakitanga mō te tūkinotanga, te iwikore rānei. Kei ngā tāpiritanga, ētahi atu o ngā kōrero hei whakamārama ake ki ngā tūmomo tūkinotanga me ngā tohu e kitea ki runga i te tamariki me te rangatahi.
Ko ngā Akoranga me te Whakatau:
Mā te tangata kua tohua hei Pouarahi ki ngā kaimahi, kai-kirimana me ngā kaimahi-tūao e whakaakongia me pehea te tautoko me te mōhio ki te tangata-wairua marū, ngā whakatūpatotanga me te haumaru tamariki ia rua tau.
Māna anō ngā kaimahi hōu katoa e whakatau kia mōhio pū ki tēnei kaupapa here me ngā tohutohu katoa, ā, kia akongia wawetia ngā akoranga mō te haumaru tamariki i tā rātou tomo mai. Ki te kore e taea e rātou te ako mō te wā roa, mā te Pouarahi e tuku kia akongia e rātou nā runga i te akoranga-ā-ipurangi ki roto i ngā mārama e toru.
Ko ngā kaupapa here e hanga rite ana:
· Ngā whakaritenga mō te tono i te Kaimahi Tika
· Ko ngā tikanga haumaru
· Tikanga Whakahaere
· Kōrero Matatapu me te Whakapuaki kōrero
· Kaupapa here mō te Whaakitanga
· Tohatoha o ngā whakaahua me te hopu whakaahua
· Kaupapa here mō te Hauora me te Haumaru.
E hāngai ana tēnei kaupapa here ki ēnei ture:
- Te Tiriti O Waitangi 1840
- Oranga Tamariki Act 1989
- Privacy Act 2020
- Human Rights Act 1993
- Family Violence Act 2018
- Health and Safety Act 2015
- Children’s Act 2014
- United Nations Convention on the Rights of the Child (UNCROC) 1989
Ko te Arotakenga me te Kawenga:
Ka kawea ēnei kaupapa here e te Poari o ngā Kaitarahiti, ā, ia tau, ka tirohia anōtia, mehemea ka tīnihia te Ture, ka puta ake tētahi take rānei e pā ana ki te Haumaru Tamariki. Ka tukuna atu tēnei mahi arotake me te whakawhanake i ngā tohutohu ki te Kaiwhakahaere e te Poari o ngā Kaitarahiti.
Ko ngā Tohutohu:
Tohutohu #1: Kia whakatewhatewhangia te take e pā ana ki taua tamariki, rangatahi wairua-maru mō te tūkino, te iwi-kore rānei, ahakoa te aha.
Tohutohu #2: Kia whakatewhatewhangia te whakapuakitanga e pā ana ki te tūkino tamariki, te iwi-kore rānei nā tētahi o ngā kaimahi, kaitūao rānei, ahakoa te aha.
Tohutohu #3: Kia whakatewhatewhangia te whakapuakitanga mō te tūkino tamariki me te iwikore.
Tāpiritanga / Appendix:
A: Ngā Pū-Tautahi mō te Tūkino me te Iwikore / Definitions of Abuse and Neglect
B: Ngā Tohu mō te Tūkino me te Iwikore / Indicators of Abuse and Neglect
C: TTOA Puka Āwangawanga mō te Tamariki / TTOA Tamariki and Rangatahi Concern form
D: Mapi o te Tīnana / Body Map
E: Rārangi mō ngā Tohu Whakaraeraetanga / List of Vulnerability Factors