E mihi kau ana ki a kōutou.
He wīkini tino whakamiharo i timata ake ai te wānanga tuatahi mō ngā waka taurua ki Te Tau Ihu.
Ka nui te mihi ki a Piripi rāua ko Michelle Smith i tae tawhiti mai ki te tohatoha i ā-rāua mātauranga me ngā kōrero. Heoi, e mihi kau ana ki ngā rangatahi i ū ki te kaupapa me te hunga tautoko kia whai huanui te wānanga.
I roto i taua wīkini, nā Piripi i whakatakoto i te whakapapa mō te waka me te whakapakari i ngā pūkenga.
Nā, i ako i ā-tātou rangatahi ngā tikanga o te here-noti, pēra i te “bowline” me te “reef knots”, ā, nā ia tangata i whiwhi ai ā rātou ake taura hei whakahoki ki te kāinga ki te whakaatu i ā-rātou pūkenga ki te whānau katahi anō kua akongia.
Kei te taha taku-tai-moana, i mahi tahi mātou ki te whakarite waka, mai i te kawenga i ngā waka ki te whakarite i ngā mea whakarewa me te hoki-whakamuri i aua mahi.
Ka mutu, i mua tonu i te putanga ki runga moana me ōna āhuatanga katoa, ka tākaro nei mātou i ngā kemu kia mau tika i ngā kupu e pā ana ki ngā wahanga o te wakataurua.
Ia haerenga, i pakari ake ai te hononga ki te taiao, ki ngā waka me te tangata.
E kaingākaunui ana mātou ki ngā kaumoana o te āpōpo hei painga mō Te Tau Ihu. Ko te pūtake o te kaupapa hei whakapakari i te tangata, ko te mahi-tahi me te hononga, ā, i tū tangata ngā rangatahi i runga anō i ngā wero.
Ā ngā wiki kei te haere mai nei, ka haria nga ngā waka a Kākano me Karanga Weka ki te Kura tuarua o Motueka kia taea ai aua rangatahi te whakaatu i ngā akoranga i hauhake i te wānanga.
