Ka mahi-tahi a HKKAR me ngā whānau, ā, ko tētahi o ngā whāinga matua kia pakari ai te tū mō te hunga rangatahi, kia pai ai te tiaki i a rātou anō, kia whai whakaaro ki ō-rātou ake whānau me ō-rātou hapori, kia hono atu ai ki te taiao me ōna hua, kia pakari ai te aumangea ki roto i ngā taimahatanga o te ao hurihuri, ā, kia puta atu ai te hāneanea o te kāinga.
Ko tā mātou aronga kia whakaako ai:
Ko te Kaitiakitanga kia ora tonu ai te taiao me ōna hua hei oranga mō ngā uri whakatupu;
Ko te ‘Tino Rangatiratanga’ – ka akohia e ngā akonga, ko te mahinga kai kia taea ai te whāngai i ō-rātou iwi, koia, ko te Manaakitanga me te whāngai ki ngā kaumātua, ki ngā kaupapa me te hunga pōhara.
I a rātou e akoako ana me te pakari haere o ngā pūkenga, ka marama ngā whānau i ā-rātou ake āheinga, ka tū maia ki roto i ā-rātou ake mana.
Nā te whāngai ki te tangata, ka tūpono rātou me te whakapakari o ngā pūkenga, ka tū tangata ki te ao tūroa nei.
