Kei Motueka te pakihi o ‘Tūpuna Remedies’ e tū ana, ā, he mea rehita tēnei mahi rongoā ki raro i a ACC me te mea, tūturu tonu, ko te tūāpapa, ko te reo Māori me ōna tikanga, haunga anō, ko te mātauranga Māori.
He mea whakahōnore i ngā tikanga tuku iho mō ngā whakahaere Māori me te hauhake i ngā rākau rongoā nā runga i te aroha me te karakia e hono atu ai ki te Atua hei whakawātea, hei hiki kia piki ake te toiora-o-tāngata.
Ko tā te pakihi o Tūpuna Remedies hei whakapakari i ngā whānau i runga i ō-rātou ake haerenga. Heoi, ko te toiora-toro-whānui te whāinga mō te mahi rongoā Māori hei whakawātea i ngā pāmamae me ngā raruraru i heke i ngā kāwai whakapapa, ā, kia pū, ko te ora i roto i te whatumanawa me te taha wairua.
Hei tāpiri ake, ko tā te pakihi nei kia pai te noho a te whānau, kia pakari ai te hono ki te ngākau ora.
