Kei te whakatinanahia tonu e Te Hau Kōmaru, tōna ake whāinga hei whakaatu i te mātauranga waka, ā, katahi anō, kua karangihia kia tatū ai te Hui Ahurei tuatoru ki te one-tapu o Kaiteretere a te 6 – 14 o Apereira. Ko te whāinga matua o te Hui Ahurei kia huihui ai ngā wakahourua nō ngā tōpito o Aotearoa hei whakanui i te kaupapa o te wakahourua.
E mahi-tahi ana a Te Hau Kōmaru me Te Tai-o-Awatea me te meatanga ake, ka tae atu ngā tāngata 3000 ki taua Hui Ahurei. He mea tono hoki ki ngā iwi o Te Tauihu-o-te-Waka-a-Maui me ngā whānau kia hono atu ai anō ki te mātauranga-whakatere-waka.
Photo credits to Maine Tito of Tito Creative