Ko te pakihi o Mai Kreationz, tētahi whakakitenga nā Toya Maikuku, he wahine e kaingākaunui ana ki ōna kāwai heke o Waikato me Tainui, ā, i ēnei rā, kei Motueka e noho ana. I te timatatanga o tana hīkoi i te ao o te Mahi Toi, nāna i waihanga i ngā taonga hei tākoha ki tōna whānau. Nāwai rā, kei te puawai ōna pūkenga hei mahi pakihi me te whakanui i te tūākiritanga Māori me te auahatanga.
Kei te waihangahia e Toya ngā taonga Māori o te ao hōu hei whakarākei i te tangata, pēra i te heru, ngā kākahu me ngā Toi Māori.
Ā, ko te āhua o ia taonga, he mea hāngai atu nāna ki ngā rawa tūturu, ngā tikanga tuku iho me ōna tohu.
Heoi, ko te pūtake o tana kaupapa e kawe ai ngā uaratanga, arā, ko te mana motuhake, aro ki te hā me ngā iho pūmanawa.
Ko te haepapa ki ōna kaihoko, kua whakatauhia e Toya kia māmā te utu mō āna mea hoko erangi, kei kōna anō te kounga o āna mahi toi.
Ka mutu, ko tāna e tino hari kia kitea te tū maia o te tangata, te whai mana me te rereāhua i te whakamau o āna taonga.
Ka mutu, he māmā ia i whānau mai i ngā tamariki tokowhā, he ringatoi kaingākaunui, ā, kei te tū pakari a Toya nā runga i te whakaaro kei te tukua atu te ahurea e ora ai ki āna taputapu katoa.
